男子: 先生 今日早餐有雞蛋配煙肉 (遞tray)
漢子: (唔接) 仲有呢...

男子: 先生 今日早餐有雞蛋配煙肉 (遞tray)
漢子: (唔接) 仲有呢?
男子: 本來仲有雞粥 不過冇哂喇唔好意思 試唔試下個雞蛋?
漢子: 咁即係冇得揀啦 是但啦

硬係覺得邏輯性紊亂 等我試下咁樣代入下先

男子: 我地都係做返朋友啦...
漢子: 咁露西呢?
男子: 你係好好... 但我都係鍾意露西多d... 我地仲係好朋友嗎?
漢子: 咁即係冇得揀啦 是但啦

做咩姐你...
如果我話有蛋同粥 到你揀粥我先話

"其實雞粥一早沽清喇~ bulubulubulu~"

咁就話覺得感情被玩弄姐...
人地由始至終都冇叫過你揀
你... 你做咩姐你.....

你又可能會話

"我比咁多$ 點解人地有得揀 我冇得揀? 我唔理啊! 我唔制啊!!"

點解你坐中間位比人夾住 人地坐中間位隔離就有空位?
點解人地坐經濟無端端可以免費升上商務?
點解我做咩艙就爆咩艙?

因為

"世界是殘酷的" - 米卡莎.阿卡曼

不過唔好灰心住
人類之所以強大
係因為有踩唔死我嘅天賦技能 富江一樣嘅再生能力
你絕對可以從冇得揀之中闖出一片新天新地

你可以揀唔食
你或者可以揀為左強調自己有幾不滿 橋埋雙手 鼓起泡腮話唔食
你又可以揀淨係食生果但係食剩哂d西瓜
你仲可以揀齋食餐具唔食餸
你更加可以揀寫信diu9方丈唔上多d餐比客人揀
你再勇d可以揀單挑哂前面食左你碗雞粥嘅乘客
不過最實在都係下次揀早d訂飛坐第一行

---